IBINTU 10 BYO KUREBA KUGIRANGO UGURE MUDASOBWA

Ibibazo nkunze guhura nabyo akenshi ni abantu bambaza ikintu umuntu areba cyane iyo agiye kugura Mudasobwa. Iki ni ikibazo gikomeye cyane cyane iyo udasobanukiwe neza n'ibya mudasobwa. Reka turebere hamwe ibyo umuntu areba mbere yo kugura iki gikoresho

Reka tubyoroshye. Niba utari umuntu kabuhariwe mu gukina imikino yo kuri mudasobwa cyangwa se udateganya kuzakoresha software zihambaye cyane nk'izikora za films n'ibindi, hano urahabona ibyo wakenera kureba kugirango ugure mudasobwa ikubereye kandi itaguhenze cyane.

Uba wibaza uti ese ndagura iyihe: Mac cyangwa PC ? Desktop cyangwa Laptop ? AMD processor cyangwa INTEL ? Wigira ubwoba, reba ibi bikurikira biragufasha guhitamo.

 1. CPU (Processor - Processeur): Reka duhere ahakomeye, CPU niyo ituma mudasobwa yawe yihuta kuko niyo ikora akazi koze mudasobwa isabwa. Hariho amoko abiri ya CPU, Intel na AMD, zikagiramo modeli zirenze 50 zo guhitamo. Buri gihe Intel Processor niyo nziza kandi byaba byiza uhisemo iri Intel Core 2 Duo nizindi nshyashya nka i3, i5, i7 niba ukenera gukoresha ziriya software zikora amashusho namajwi. Akenshi Intel Core 2 Duo yagukorera ibyo ukeneye.

2. RAM (Internal Memory) - Iyi ni umubare (amount) w'ibintu Processeur ishobora gufata vuba iyo ibisabwe. Niho Mudasobwa ibika ibyo iri gukora byose, twa tuntu uba wafunguye twose tuba tubitse muri RAM. Iyo ari nto rero bituma mudasobwa igenda gahoro cyane cyane iyo wafunguye amadirishya menshi. RAM ya 1GB irahagije ku muntu ukoresha mudasobwa ye nko kwandika emails, words, excel nibindi nk'ibyo. RAM ya 2GB irahagije muri rusange. Ibaye 4GB byaba ari agahebuzo.

3. Hard Disk (Disk): Aha niho mudasobwa ibika ibintu byose biyirimo. Documents, amafoto, films, n'ibindi byose biba bibitse hano. Igihe cyose iba ari nini kuruta RAM. Niba udateganya kubikaho ibintu byinshi nka za Film zitwara umwanya munini kuri Hard Disk, 160GB irahagije. Ibaye nini birutaho kuba byiza. Nagusaba kugura nakandi gato ko hanze uzajya ubikaho ibintu byawe kugirango umunsi mudasobwa yagize ikibazo ntuzatakaze ibintu byose.

4. Screen (ecran - Flat Screen) : Nubwo ntacyo bitwaye, ariko  mudasobwa yagombye kuba ifite ecran - screen nini ituma ubasha gusoma neza udashishoza, kandi yagombye kuba ifite na Keyboard igufasha kwandika neza. Screen ya 13 inch kuri Laptop cyangwa 19inch kuri Desktop birahagije.

5. Operating System (OS): Hariho amoko atatu akomeye ya Operating System - Mac OS (Igezweho ubu ni Mac OS Lion), Microsoft Windows (Windows 7 na WIndows 8) na Linux (ifite ubwoko bwinshi bita Distribution, imenyerewe cyane ni Ubuntu). Mac OS ikora muri mudasobwa zabugenewe zitwa Macntosh cyangwa Mac zikorwa na Apple.inc. Windows na Linux zikora kuri PC, ordinateur zisanzwe. Niba rero utaguze Mac, byaba byiza ujyanjye nigihe, ukagerageza kugura mudasobwa ikoresha OS ya nyuma (Windows 8 cyangwa windows 7). Hari abakunda XP ariko ibyiza ni ukujyana n'igihe cyane ko ubu software nyinshi zigenda zanga gukorana na OS zishaje.

6. Izindi software: Reba neza ko Mudasobwa ugiye kugura baguhayemo Microsoft Office (Word, excel, powerpoint, access...). Niba hari nizindi software uzakenera mu buzima bwa buri munsi, nka Adobe PDF reader, Yahoo Messenger, Skype... saba ko bazigushyiriramo.

7. Ubunini: Mudasobwa igendanwa irengeje 2.2kg iba yatangiye kuremera. Niba udashaka ibintu biremereye cyangwa se ukunda utuntu dusa neza, wagura Macbook ya Apple. Na PC zirahari zisa neza kandi ntoya zitaremereye. Urebe ikubereye, hanyuma ubaze ibyo twavuze haruguru niba ibyujuje ubone kugura.

8. Battery - Batiri ni ikintu kingenzi cyane. Niba ushaka bateri itinda cyane, wagura Macbook ya Apple (amasaha hagati ya 7 na 11 bitewe nicyo iri gukora). Ariko mu buzima busanzwe, mudasobwa ikora amasaha 5 aba ari ayo.  Baza wumve igihe batiri  imara iyo mudasobwa idacometse.

9. Ibindi: Nibura mudasobwa yose yagombye kuba ifite ibi bikurikira:

• Wireless Card: Ushobora gukoresha interneti utagombeye gucomeka umugozi.
• DVD Writer: Ishobora gusoma no kwandika DVD
• USB Port - Nibura 2
• NIC - aho bacomeka umugozi wa Internet
• Audio Jack: Aho gucomeka ecouteurs
• Card reader
• NVDIA cyangwa ATI Graphic Card ku bantu bateganya kujya bakina imikino ikomeye

10. N.B: Numara gufata umugambi wa mudasobwa ugiye kugura, mumaze guciririkanya, wibuke kubasaba CD cyangwa DVD iriyo ama drivers - les Pilotes - za mudazobwa ugiye kugura. Ibi birafasha cyane igihe mudasobwa yagize ikibazo cyangwa ushaka guhindura OS. Niba batayafite, bakwereke address ya internet aho ushobora kuyakururira kuri mudasobwa yawe.