Uko amakipe y’ibihugu azahura muri CAN

CAN 2013 : Uko amakipe y’ibihugu azahura

Guhera tariki ya 19 Mutarama kugeza ku ya 10 Gashyantare, muri Afurika y’Epfo harabera imikino y’umupira w’amaguru mu guhatanira igikombe hagati y’amakipe y’ibihugu (CAN : Coupe d’Afrique des Nations de Football), akaba ari ku nshuro ya 29 abaye.
Imikino ya nyuma ihuza amakipe y’ibihugu 16, mu mikino y’igice cya mbere akazahura ku buryo bukurikira :
Ku itariki 19 Mutarama 2013, ari na bwo guhatanira igikombe bizatangira, umukino wo gufungura uzahuza ikipe ya Afurika y’Epfo n’iya Cap Vert saa kumi n’ebyiri ku isaha y’i Kigali bakinire I Johannesbourg, na ho saa tatu hakine Angola na Maroc kuri icyo kibuga.

Ikipe ya Afurika y'Epfo

Ku Cyumweru tariki ya 20 Mutarama saa kumi n’imwe hazacakirana Ghana na Repubulika Iharanira Demokarasi ya Congo, bakinire Port-Ezabeth, na ho saa mbiri z’umugoroba hahure Mali na Niger.
Kuwa 21 Mutarama Zambia izahura na Ethiopia saa kumi n’imwe, na ho saa mbiri z’umugoroba Nigeria ikine na Burkina Faso. Imikino yombi izabera i Mbombela.
Kuwa 22 Mutarama imikino izabera Rustenburg aho Cote d’Ivoire izacakirana na Togo saa kumi n’imwe na ho saa mbiri z’umugoroba Tunisia ihure na Algeria.
Ku itariki 23 Mutarama imikino izabera i Durban, saa kumi n’imwe Afurika y’Epfo izahura na Angola na ho Maroc na Cap vert zihure saa mbiri z’umugoroba.
Ku wa 24 Mutarama, Ghana na Mali bizahura saa kumi n’imwe, Niger ikine na Repubulika Iharanira Demokarasi ya Congo saa mbiri z’umugoroba. Imikino yombi izabera Port-Elizabeth.
Tariki ya 25 imikino izabera i Mombela, Zambia izakina na Nigeria saa kumi n’imwe na ho saa mbiri Burkina Faso ihure na Ethiopia.

Ikipe ya Tunisia

Ku itariki ya 26 Mutarama, Cote d’Ivoire izakina na Tunisia saa Kumi n’imwe, saa mbiri Algeria ikina na Togo. Imino yombi izabera i Rustenburg.
Ku wa 27 Mutarama imikino izabera i Durban Maroc izahura na Afurika y’Epfo, umukino ubere i Duirban, Cap vert ihure na Angola, i Port-Elizabeth ; imikino yombi izabera ku isaha imwe saa moya z’umugoroba.
Ku itariki 28 Mutarama i Bata, Niger izakina na Ghana, Repubulika Iharanira Demokarasi ya Congo ihure na Mali i Malabo. Imikino yombi izaba saa moya z’umugoroba.
Ku wa 29 Mutarama Burkina Faso izakina na Zambia i Mbombela na ho Ethiopia ikine na Nigeria i Rustenburg. Imikino yombi izabera ku isaha imwe saa moya z’umugoroba.
Ku itariki ya 30 Mutarama ari na yo izaba isoza icyiciro cya mbere i Rustenburg Algeria izakina na Cote d’Ivoire, na ho Togo ikine na Tunisia umukino ubere i Mbombela. Amakipe yose izakinira rimwe saa moya z’umugoroba.

Imikino ya ¼ izaba ku itariki 2 n’iya 3 Gashyantare, iya ½ yo ibe ku itariki 6, umwanya wa gatatu uzakinirwa ku itariki 9 na ho umukino wo nyuma uzaba kuwa 10 Gashyantare 2013, i Johannesbourg saa mbiri z’umugoroba.